गोठगाउँः नगर तेक्वान्दो विकास समितिको कार्यालय सुन्दरहरैंचा –७ गोठगाउँमा उद्घाटन गरिएको छ ।
एक कार्यक्रमका बीच सोमबार नगर खेलकुद विकास समितिका सदस्य सचिव खड्ग श्रेष्ठले कार्यालयको उद्घाटन गर्नुभएको हो ।
उद्घाटन कार्यक्रमलाई सुन्दरहरैंचा ७ का वडाअध्यक्ष भुवनसिंह आलेमगर, पञ्चायत माध्यमिक विद्यालय व्यवस्थापन समिति अध्यक्ष पोष्टकुमार श्रेष्ठ, नगर खेलकुद विकास समितिका सदस्य सचिव खड्ग श्रेष्ठलगायते सम्बोधन गर्नुभएको थियो ।
कार्यक्रममा जनप्रतिनिधि, विभिन्न राजनीतिक दलका प्रतिनिधि, तेक्वान्दोका प्रशिक्षक र खेलाडी, स्थानीयवासीलगायतको उपस्थिति रहेको थियो ।
नगर तेक्वान्दो विकास समितिका अध्यक्ष कपिलराज दाहालको अध्यक्षतामा सम्पन्न भएको कार्यक्रम सचिव मिलन लुइँटेलले सञ्चालन गर्नुभएको थियो ।
समितिले जेठ १५ गते मोरङ जिल्लाव्यापी अन्तर डोजाङ तेक्वान्दो प्रतियोगिता आयोजना गरेको थियो । जिल्लामै उत्कृष्ट प्रतियोगिता भएको भनी समितिको प्रशंसा भएको थियो ।
कार्यक्रमका थप तस्बिर र भिडियो हेर्न तलका लिंक थिच्नुहोस् ।
थप तस्बिरहरुः
https://www.facebook.com/photo/?fbid=122150860976156870&set=pcb.122150861762156870
भिडियोः
