विराटचोकः सुन्दरहरैंचा– १० मोरङमा रहेको हिमालय इङ्लिस स्कुलमा दीक्षान्त समारोह तथा पुरस्कार वितरण कार्यक्रम सम्पन्न भएको छ ।
कार्यक्रममा पूर्व प्रथमिक तह उत्तीर्ण गरी कक्षा १ मा जाने र कक्षा ५ उत्तीर्ण गरी कक्षा ६ मा जाने विद्यार्थीलाई दीक्षित गरिएको हो । कार्यक्रममा गत वर्ष सञ्चालित वार्षिक परीक्षामा उत्कृष्ट नतिजा हासिल गर्ने विद्यार्थीलाई पुरस्कार वितरण पनि गरिएको थियो ।
विद्यालयका प्रिन्सिपल कमल खनालले बालबालिकाको शैक्षिक गतिविधिलाई थप बढवा दिन र हौसला प्रदान गर्न नियमित यस्ता कार्यक्रम गरिँदै आएको बताउनुभयो । कार्यक्रमको प्रमुख अतिथि सुन्दरहरैंचाका नगर प्रवक्ता तथा वडा नम्बर १२ का वडाध्यक्ष रोशनप्रसाद ढकाल रहनुभएको थियो ।
