गोठगाउँः इलाम २ मा भएको प्रतिनिधि सभाको उपनिर्वाचनमा नेकपा एमालेका सुहाङ नेम्वाङ विजयी भएपछि भोलि इलाममा विजय र्याली हुने भएको छ ।
एमाले नेता केपी ओली विजय सभालाई सम्बोधन गर्न आजै इलाम पुग्नुभएको छ । पार्टी अध्यक्ष इलाम पुगेर सुहाङलाई अँगालो हालेपछि सुहाङले सामाजिक सञ्जाल फेसबुकमा यस्तो स्टाटस लेख्नुभएको छ ।
हामी सबैको अभिभावक श्रद्धेय अध्यक्षज्यू, जसले मलाई आदरणीय इलामेली जनताको काखमा पठाउनुभयो । मेरो हात समाएर भन्नुभयो, ‘बाबु, अब युवाहरु तयार हुनुपर्छ, तिमी इलामेली जनताको सेवक बन्न तयार हुुनुपर्छ ।’
अस्ती चुनाव प्रचारको अन्तिम दिन चुलाचुलीको चुनावीसभा सकेर हिँड्ने बेला भन्नुभएको थियो, ‘सुहाङ, अब संसद भवनमै भेटौँला है ।’
अभिभावकको मन न हो । श्रद्धेय अध्यक्षज्यू, आज काठमाडौंबाट खुशी साट्न, हौसला दिन इलाम नै आइपुग्नुभयो ।
चुनावमा विजयी भएपछि यस्तो आयो सुहाङको फेसबुक स्टाटस
