विराटचोकः हिजो नयाँ कीर्तिमानी मूल्यमा पुगेको सुनको भाउले आज फेरि नयाँ कीर्तिमानी मूल्य कायम गरेको छ । तोलामा २ हजार १०० रुपैयाँ बढेर छापावाल सुनको भाउ आज तोलाको १ लाख ३० हजार रुपैयाँ पुगेको छ ।
नेपाल सुनचाँदी व्यवसायी महासंघका अनुसार आज तेजाबी सुनको भाउ प्रति तोला १ लाख २९ हजार ४०० रुपैयाँ र चाँदीको भाउ प्रति तोला १ हजार ५२५ रुपैयाँ पुगेको छ । चाँदीको भाउ आज तोलामा १५ रुपैयाँ बढेको हो ।
अन्तराष्ट्रिय बजारमा सुनको भाउ बढ्दै जाँदा नेपालमा पनि सुनको भाउ बढ्दै गएको हो ।
हिजो सुनको भाउ तोलामा १ हजार १ सय रुपैयाँ र चाँदीको भाउ तोलामा २० रुपैयाँ बढेको थियो ।
