विराटचोकः आज सुनको भाउले पुनः नयाँ कीर्तिमान कायम गरेको छ । आज सुनको भाउ तोलामा १ हजार १ सय रुपैयाँ बढेको छ । यसअघि गत बिहीबार कायम भएको मूल्यभन्दा १०० रुपैयाँ माथि कारोबार भएर आज सुनको भाउले नयाँ कीर्तिमानी मूल्य तय गरेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख २७ हजार ९ सय रुपैयाँ निर्धारण भएको छ । तेजाबी सुनको भाउ प्रति तोला १ लाख २७ हजार ३ सय र चाँदीको भाउ प्रति तोला १ हजार ५ सय १० रुपैयाँ निर्धारण भएको छ । चाँदीको भाउ आज तोलामा २० रुपैयाँ बढेको हो ।
हिजो सुनको भाउ तोलामा ४०० रुपैयाँ बढेको थियो भने चाँदीको भाउ तोलामा १५ रुपैयाँ घटेको थियो ।
