सुनको भाउ ४०० रुपैयाँ घट्दा चाँदीको बढ्यो १५ रुपैयाँ

विराटचोकः आज सुनको भाउ तोलामा ४०० रुपैयाँ घटेको छ भने चाँदीको भाउ तोलामा १५ रुपैयाँ बढेको छ ।
अघिल्लो आइतबार सुनको भाउ हालसम्मकै उच्च मूल्यमा पुगेको थियो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २५ हजार रुपैयाँमा कारोबार भइरहेको छ । तेजाबी सुन १ लाख २४ हजार ४०० रुपैयाँमा कारोबार भइरहेको छ । चाँदीको मूल्य १ हजार ५३० रुपैयाँ कायम भएको छ ।

शुक्रबार पनि सुनको भाउ ४०० रुपैयाँ घटेको थियो भने चाँदीको भाउ स्थिर रहेको थियो ।