मृगौलियाः लभ्ली एञ्जल्स इङ्लिस बोर्डिङ स्कुल सुन्दरहरैंचा २ को २७ औँ वार्षिकोत्सव सम्पन्न भएको छ ।
जिल्ला समन्वय समितिका संयोजक अजम्बर राईको प्रमुख आतिथ्यतामा भएको वार्षिकोत्सव तथा अभिभावक दिवसमा विद्यार्थीहरुले गीत, नृत्य, प्रहसनलगायतका कला अभिभावक तथा उपस्थित अतिथिसामु प्रस्तुत गरेका थिए ।
विभिन्न प्रतियोगितामा र क्रियाकलापमा उत्कृष्ट हुने विद्यार्थीलाई विद्यालयले पुरस्कृत गरेको थियो । विद्यार्थीको समग्र मूल्याङ्कनको आधारमा विभिन्न मेडल विद्यार्थीहरुलाई प्रदान गरिएको थियो । अभिभावक दिवसको अन्तिम समयसम्म उपस्थित हुने १३ जना अभिभावकलाई गोलाप्रथाद्वारा उपहार पनि प्रदान गरिएको थियो ।
कार्यक्रममा विद्यालयका प्रिन्सिपल मनोज रेग्मीले विद्यालयको प्रगति विवरण प्रस्तुत गर्नुभएको थियो ।
कार्यक्रममा नगरपालिकाको शिक्षा शाखा प्रमुख लीलादेवी ओझा, सुकुना बहुमुखी क्याम्पसका प्रमुख अर्जुनराज अधिकारी, वडा नम्बर २ का वडाध्यक्ष विवश प्रधानलगायतले आफ्नो भनाइ राख्नुभएको थियो ।
कार्यक्रममा नागरिक समाज सुन्दरहरैंचाका अध्यक्ष दधिराम ढुङ्गाना, गछिया जेसीजका पूर्व अध्यक्षहरु, विभिन्न संघसंस्थाका प्रतिनिधि, सुरक्षाकर्मी, सञ्चारकर्मीलगायतको उपस्थिति थियो ।
