इटहरी: इटहरी ९ मा रहेको चिजन प्यालेस स्कुलले विविध कार्यक्रमका साथ सातौँ अभिभावक दिवस मनाएको छ ।
इटहरी उपमहानगरपालिकाकी उपप्रमुख सङ्गीता चौधरीको प्रमुख आतिथ्यता र विद्यालयका निर्देशक हरि आचार्यको अध्यक्षतामा कार्यक्रम भएको थियो ।
कार्यक्रममा एन प्याब्सनका निवर्तमान अध्यक्ष नारायण सञ्जेल विशिष्ट अतिथिको रुपमा हुनुहुन्थ्यो । इटहरी वडा नम्बर ९ का वडासदस्य कल्पना घिमिरे, दीपक घिमिरे लगायतको कार्यक्रममा उपस्थिति थियो ।
कार्यक्रममा विद्यार्थीले उत्कृष्ट प्रदर्शन गरेको अभिभावकले बताएका थिए ।
