विराटचोकः आज सुन र चाँदी दुवैको मूल्य घटेको छ । आइतबार हालसम्मकै उच्च मूल्यमा पुगेर सोमबार र मंगलबार स्थिर रहेको सुनको मूल्य, आज तोलामा १ हजार रुपैयाँ घटेको हो । चाँदीको मूल्य भने तोलामा २० रुपैयाँ घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २५ हजार रुपैयाँमा कारोबार भइरहेको छ । तेजाबी सुन १ लाख २४ हजार ४०० रुपैयाँमा कारोबार भइरहेको छ । चाँदीको मूल्य १ हजार ४६५ रुपैयाँ कायम भएको छ ।
हिजो सुनको भाउ स्थिर रहेको थियो भने चाँदीको भाउ तोलामा १० रुपैयाँ बढेको थियो ।
