लेटाङः लेटाङ साकोसको आयोजना तथा साना किसान विकास लघुवित्त संस्था लिमिटेड इटहरी शाखाको प्राविधिक सहयोगमा लेटाङमा आर्थिक सचेतना तथा वित्तीय साक्षरता सम्बन्धी कार्यक्रम सम्पन्न भएको छ ।
कार्यक्रममा लेटाङ साकोसको परिचय गरिनुका साथै संस्थाका गतिविधिका विषयमा समेत चर्चा भएको थियो । संस्थाले दिईरहेको सेवा सुविधाका बारेमा समेत जानकारी गराइएको थियो ।
कार्यक्रममा करीब २ सय जनाको सहभागिता रहेको थियो ।
लेटाङ क्याम्पसका अध्यक्ष ज्ञानेन्द्र ढकालको प्रमुख आतिथ्यतामा भएको कार्यक्रममा संस्थाका अध्यक्ष गोपाल वाराकोटीले अध्यक्षता ग्रहण गर्नुभएको थियो । कार्यक्रमलाई लेटाङ साकोसका लेखा सदस्य राजु गौतमले स्वागत मन्तव्य राख्नुभएको थियो ।
