गछियाः सुन्दरहरैंचा ६ मा रहेको लाइटिङ ग्लोबल एकेडेमीले शनिबार अभिभावक दिवस तथा पुरस्कार वितरण समारोह सम्पन्न गरेको छ । विद्यालय व्यवस्थापन समितिका अध्यक्ष दुर्गाप्रसाद घिमिरेको अध्यक्षता र जिल्ला समन्वय समिति मोरङका प्रमुख अजम्बर राईंको प्रमुख आतिथ्यतामा समारोह सम्पन्न भएको हो ।
कार्यक्रममा विद्यार्थीहरुले विभिन्न गीत तथा नृत्य प्रस्ुतत गर्दै मनोरञ्जन प्रदान गरेका थिए । कार्यक्रममा विद्यालयले सञ्चालन गरेका अतिरिक्त क्रियाकलपाहरुमा उत्कृष्ट हुने विद्यार्थी र अध्ययनमा जेहेन्दार विद्यार्थीलाई पुरस्कृत गरेको थियो । कार्यक्रमका प्रमुख अतिथिलगायतले विद्यार्थीहरुलाई पुरस्कार वितरण गर्नुभएको थियो । गत वर्ष एसईई परीक्षा उत्तीर्ण भएका विद्यार्थीहरुलाई पनि सम्मान गरिएको थियो ।
विद्यालय सञ्चालक समिति सचिव अर्जुनकुमार तिम्सिनाले सञ्चालन गर्नुभएको कार्यक्रममा विद्यालयका प्रधानाध्यापक सुमन वजगाईंले स्वागत मन्तव्य राख्नुभएको थियो ।
कार्यक्रममा सुन्दरहरैंचा ६ का वडाध्यक्ष सन्तोष लिङ्देन, पूर्ववडाध्यक्ष जीवन राई, स्थानीय समाजसेवी रामबहादुर थापा, अशोक राई, धनबहादुर राई लागयतको उपस्थिति थियो ।
