विराटचोकः सुनको भाउले लगातार अघिल्ला उच्च मूल्यको रेकर्ड बढिरहेको छ । यसै क्रममा आज पनि सुनको भाउले रेकर्ड ब्रेक गरेको छ ।
फागुन २२ गते अघिल्लो दिनको भन्दा २ हजार रुपैयाँले बढेर रेकर्ड ब्रेक गरेको सुनको भाउले त्यसपछि हरेक दिनजसो अघिल्लो दिनको उच्च मूल्यको रेकर्ड ब्रेक गरिरहेको छ ।
फागुन २३ गते १ लाख २३ हजार रुपैयाँ कायम भएको सुनको भाउ फागुन २४ गते ५०० रुपैयाँ बढेको थियो । फागुन २४ र २५ गते प्रति तोला १ लाख २५ हजार रुपैयाँमा किनबेच भएको सुनको भाउ आज फागुन २७ गते १ लाख २६ हजार रुपैयाँमा किनबेच भइरहेको छ ।
नेपाल सुनचाँदी व्यवसायी महासंघका अनुसार आज तेजाबी सुनको मूल्य १ लाख २५ हजार ४ सय रुपैयाँ र चाँदीको मूल्य प्रति तोला १ हजार ४७५ रुपैयाँ निर्धारण भएको छ ।
