विराटचोकः द राइजिङ स्कुल सुन्दरहरैंचा १० को ३२ आँै वार्षिकोत्सव शनिबार विद्यालय परिसरमा सम्पन्न भएको छ ।
सुन्दरहरैंचा नगरपालिकाका नगरप्रमुख केदारप्रसाद गुरागाईँको प्रमुख आतिथ्यतामा भएको कार्यक्रममा राइजिङ आइडलका विजेतालाई पुरस्कृत गरिएको थियो । कार्यक्रममा विद्यालयले गरेका विभिन्न प्रतियोगितामा विजयी हुने विद्यार्थीलाई पनि पुरस्कृत गरिएको थियो ।
विद्यार्थीहरुले विज्ञान तथा प्रविधिसँग सम्बन्धित विभिन्न सामग्रीको प्रदर्शनी पनि सो अवसरमा गरेका थिए । कार्यक्रममा विद्यार्थीहरुले गायन, नृत्यलगायतका विभिन्न प्रतिभा प्रस्तुत गरेका थिए ।
वार्षिकोत्सवमा नगरउपप्रमुख अकली चौधरी, शिक्षा शाखा प्रमुख लीलादेवी ओझा, इन्द्रपुर साना शहरी खानेपानी तथा सरसफाइ उपभोक्ता समितिका अध्यक्ष नवराज चापागाईँको उपस्थिति थियो । विभिन्न संघसंस्थाका प्रतिनिधि, जनप्रतिनिधि, अभिभावकलगायतको बाक्लो उपस्थिति विद्यालयको वार्षिकोत्सवमा रहेको थियो ।
