इटहरीः अन्तर्राष्ट्रिय अहिंसा दिवस तथा महात्मा गान्धी जयन्तीको अवसरमा सांस्कृतिक शोधकर्ता, ज्योतिषाचार्य तथा सामाजिक अभियन्ता डा. कमलप्रसाद दाहाल ‘महात्मा गान्धी विश्वशान्ति अवार्डबाट विभूषित हुनुभएको छ ।
भारतको ओडिसास्थित भुवनेश्वरमा रहेको एमजीजीपी इन्डिया फाउन्डेसनले डा. दाहाललाई विश्वशान्ति, भाइचारा र गान्धीवादी दर्शनको प्रवद्र्धनमा आजीवन पुर्याएको अतुलनीय योगदानको कदर गर्दै यो सम्मान प्रदान गरेको हो।
फाउन्डेसनद्वारा जारी गरिएको नियुक्ति पत्रअनुसार डा. दाहाललाई ‘आजीवन’ विश्वशान्ति दूतका रूपमा मनोनयन गरिएको हो । यसका साथै, उहाँलाई ‘महात्मा गान्धी ग्लोबल पिस अवार्ड’ बाट समेत सम्मानित गरिएको छ ।
समारोहमा एमजीजीपी इन्डिया फाउन्डेसनले आयोजना गर्न लागेको ’गान्धी पिस इन्टरनेसनल अवार्ड तथा पिस समिट’ मा डा. दाहाललाई विशिष्ट अतिथिको रूपमा निम्त्याइएको थियो ।
ईश्वर, आमाबुबा र शुभचिन्तकप्रति आभार
सम्मान प्राप्त गरेपछि डा. दाहालले सामाजिक सञ्जालमार्फत् खुसी व्यक्त गर्दै आफ्नो सफलताको श्रेय परमेश्वर, मातापिताको आशीर्वाद र शुभचिन्तकहरूको निरन्तर साथलाई दिनुभएको छ ।
उहाँले लेख्नुभएको छः
“ॐ श्री सुक्ष्मविश्वविन्दु निराकार अखण्ड परम महागुरु, मातापिताको आशीर्वाद, यहाँहरू सबैको साथ र मेरो निरन्तर कर्मले आज विश्व अहिंसा दिवस र महात्मा गान्धी दिवसका दिन ‘विश्वशान्ति सम्मान’ र ‘विश्वशान्तिदूत आजीवन’ प्राप्त हुने अत्यन्त गौरवमय सौभाग्य मिल्यो । प्रदान गर्ने र निमन्त्रणा गर्ने संस्थाप्रति हार्दिक आभार प्रकट गर्दछु ।’’
