सुनको भाउ ५०० रुपैयाँ घट्यो, चाँदीको १५ रुपैयाँ

विराटचोकः आज पनि सुन र चाँदी दुवैको भाउ घटेको छ । सुनको भाउ तोलामा ५ सय रुपैयाँ र चाँदीको भाउ तोलामा १५ रुपैयाँ घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख १८ हजार रुपैयाँ निर्धारण भएको छ । तेजाबी सुनको भाउ प्रति तोला १ लाख १७ हजार ४७५ रुपैयाँ र चाँदीको भाउ प्रति तोला १ हजार ३७५ रुपैयाँ निर्धारण भएको छ ।

आइतबार र सोमबार पनि सुन र चाँदी दुवैको भाउ घटेको थियो ।