विराटचोकः गहना प्रदर्शन गरिने पर्वको रुपमा परिचित तीजको पूर्वसन्ध्यामा गत साता सुनको मूल्य ६ हजार ४०० रुपैयाँ घटेको छ ।
नेपाल सुनचाँदी व्यवसायी महासंघका अनुसार भदौ २० गते शनिबार नेपाली बजारमा सुनको मूल्य ३ लाख ७ हजार ४०० रुपैयाँ रहेकोमा अन्तिम दिन शुक्रबार सुनको मूल्य ६ हजार ४०० रुपैयाँले घटेर प्रतितोला ३ लाख १ हजार रुपैयाँमा झरेको हो ।
महासंघका अनुसार भदौ २१ गते आइतबार अघिल्लो दिनको तुलनामा ३ हजार १०० रुपैयाँले सुनको मूल्य घटेर ३ लाख ४ हजार ३०० रुपैयाँमा कारोबार भएको थियो । भदौ २२ गते सोमबार पनि सुनको मूल्य २ हजार ४०० रुपैयाँले घटेर प्रतितोला ३ लाख १ हजार ९०० रुपैयाँमा कारोबार भएको थियो ।
भदौ २३ गते मंगलबार भने सुनको मूल्य ३ हजार ५०० रुपैयाँले बढेर ३ लाख ५ हजार ४०० रुपैयाँमा कारोबार भएको थियो । भदौ २४ गते बुधबार तोलामा ३ हजार रुपैयाँले घटेर प्रतितोला ३ लाख २ हजार ४०० रुपैयाँमा कारोबार भएको थियो ।
भदौ २५ गते बिहीबार तोलामा ३ हजार ४०० रुपैयाँले बढेर ३ लाख ५ हजार ८०० रुपैयाँमा कारबोर भएको थियो । भदौ २६ गते शुक्रबार ४ हजार ८०० रुपैयाँले घटेर प्रतितोला ३ लाख १ हजार रुपैयाँमा कारोबार भएको थियो ।
