लघुउद्यम टोल विकास सहकारीको अध्यक्षमा पुनः राजेन्द्रकेशरी घिमिरे, बाढीपीडितलाई ५१ हजार सहयोग गरिने

इटहरीः लघुउद्यम टोल विकास सहकारी संस्थाको १६ औँ वार्षिक साधारणसभाबाट राजेन्द्रकेशरी घिमिरे पुनः अध्यक्ष पदमा निर्विरोध निर्वाचित हुनुभएको छ ।
नयाँ कार्यसमितिले सहकारीको वित्तीय तथा संस्थागत सुदृढीकरणसँगै सदस्यहरूको आर्थिक तथा सामाजिक विकासमा केन्द्रित भएर अघि बढ्ने जनाएको छ ।

संस्थाले आगामी दिनमा सहकारीका सदस्यलाई केन्द्रमा राख्दै सेवा विस्तार, संस्थागत सुशासन र पारदर्शितालाई प्राथमिकता दिने जनाएको छ ।

सहकारीले बाढीपीडितलाई ५१ हजार रुपैयाँ सहयोग गर्ने भएको छ ।