इनरुवाः सुनसरीको इनरुवा नगरपालिका वडा नम्बर ६ ले वडाभित्रका मुख्य चोक तथा सार्वजनिक स्थानमा सीसी क्यामेरा जडान अभियान शुरु गरेको छ । बढ्दो चोरीका घटना, आपराधिक गतिविधि र सवारी दुर्घटना न्यूनीकरण गर्ने उद्देश्यले सुरक्षा निगरानी प्रणाली विस्तार गरिएको वडा कार्यालयले जनाएको छ ।
वडाध्यक्ष सुमन थापाका अनुसार वडावासीको धनजनको सुरक्षा सुनिश्चित गर्दै शान्तिसुरक्षा मजबुत बनाउन प्राथमिकताका साथ विभिन्न स्थानमा सीसी क्यामेरा जडान गरिएको हो । हाल मुख्य चोक र सार्वजनिक स्थलमा क्यामेरा सञ्चालनमा आइसकेका छन् । दशैंअघि वडाभित्र आवश्यक ठानिएका सबै स्थानमा क्यामेरा जडान गरिसक्ने लक्ष्य राखिएको वडाध्यक्ष थापा बताउनुुहुन्छ ।
वडाको यस पहलले समुदायमा सुरक्षा अनुभूति बढ्ने विश्वास स्थानीयको छ ।
