लेटाङः लेटाङ नगरपालिका–३ स्थित कमलपुर सामुदायिक वन उपभोक्ता समूहको विशेष साधारणसभाले मनकुमारी राईको अध्यक्षतामा १५ सदस्यीय नयाँ कार्यसमिति चयन गरेको छ ।
समितिको कार्यालय परिसरमा सम्पन्न सभाबाट नयाँ नेतृत्व सर्वसम्मत चयन गरिएको हो । नवनिर्वाचित कार्यसमितिको उपाध्यक्षमा अमृतकुमार राई, सचिवमा कुशमणि राई, सहसचिवमा सुनिता तामाङ र कोषाध्यक्षमा तारादेवी लिम्बू चयन हुनुभएको छ ।
नयाँ कार्यसमितिले सामुदायिक वन संरक्षण, पारदर्शी व्यवस्थापन तथा उपभोक्ताको हितमा कार्यक्रम सञ्चालन गर्ने प्रतिबद्धता जनाएको छ ।
