सुन्दरहरैंचामा ‘नागरिकसँग जनप्रतिनिधि सरसफाइ अभियान’अन्तर्गत खोर्सानेमा सरसफाइ

विराटचोकः मोरङको सुन्दरहरैंचा नगरपालिकाको आयोजना तथा स्थानीय संघ–संस्थाको सहभागितामा ‘नागरिकसँग जनप्रतिनिधि सरसफाइ कार्यक्रम’ अन्तर्गत हिजो सुन्दरहरैंचाको पूर्वी बजार खोर्साने क्षेत्रमा सरसफाइ गरिएको छ ।

सुन्दरहरैंचा नगरपालिकाले यस कार्यक्रमलाई अभियानकै रूपमा सञ्चालन गर्दै नगरका विभिन्न स्थानमा निरन्तर सरसफाइ गरिने जनाएको छ ।

सो सरसफाइ कार्यक्रममा नगरप्रमुख केदारप्रसाद गुरागाईं, विभिन्न वडाका जनप्रतिनिधि, स्थानीय संघ–संस्थाका प्रतिनिधि तथा स्थानीयवासीको सक्रिय सहभागिता रहेको थियो ।