विराटचोकः आज देशका पहाडी र हिमाली क्षेत्रहरूमा सामान्यदेखि बाक्लो बदली रहने तथा तराई क्षेत्रमा आंशिक बदलीको अवस्था रहने मौसमविद्ले जनाएका छन् ।
जल तथा मौसम विज्ञान विभागका अनुसार कोशी र गण्डकी प्रदेशका केही स्थान तथा अन्य प्रदेशका थोरै क्षेत्रमा मेघगर्जन र चट्याङसहित मध्यम वर्षा हुने सम्भावना छ । उच्च हिमाली क्षेत्रमा भने हिमपात हुन सक्ने अनुमान गरिएको छ ।
आज राति कोशी, मधेश, बागमती र गण्डकी प्रदेशमा बदली हुने तथा अन्य प्रदेशमा आंशिक बदली रहनेछ ।
यी प्रदेशका केही स्थानमा मेघगर्जन र चट्याङसहित वर्षा हुने सम्भावना छ भने बाँकी क्षेत्रमा छिटफुट वर्षा वा हिमपात हुन सक्ने मौसम पूर्वानुमान महाशाखाले जनाएको छ ।
