विराटचोकः विमानस्थलमा अधिक भीड भएको भन्दै अब विदेश जानेलाई घरबाटै बिदाइ गर्नुपर्ने भन्दै नेपाल नागरिक उड्डयन प्राधिकरणले अत्याधिक भीड नगर्न आग्रह गर्दै सूचना जारी गरेको छ ।
प्राधिकरणले एक सूचना जारी गरी अब विदेश जाने वा त्यताबाट आउने आफन्तको बिदाइ तथा स्वागतमा तीनजना मात्रै सहभागी हुन पाइने व्यवस्था गरेको छ ।
‘कतिपय अवस्थामा एक जना यात्रुका लागि दशौँ आफन्तजन स्वागत तथा बिदाइका लागि विमानस्थलमा आउने गरेकाले यस त्रिभुवन अन्तर्राष्ट्रिय विमानस्थलको हाताभित्रको सीमित स्थानका कारण अत्यधिक भिडभाड हुने गरेको छ, अत्यधिक भिडभाड नियन्त्रणमा सहयोग गरिदिन हुन सम्बन्धित सबै महानुभावलाई त्रिभुवन अन्तर्राष्ट्रिय विमानस्थल नागरिक उड्डयन कार्यालय हार्दिक अपिल गर्दछ,’ सूचनामा जनाइएको छ ।
