इटहरीः बैशाख महिनाभर पूर्वी क्षेत्रमा थारु तथा राजवंशी समुदायले विशेष महत्वका साथ मनाउने सिरुवा मेलाअन्तर्गत आज इटहरीको कचना महादेव मन्दिरमा ठूलो मेला लागेको छ । आफ्नो कामना पूरा होस् भनी बैगुन (भण्टा) चढाइने हुनाले आज लाग्ने मेला बैगुन चढाउने मेलाका नामले पनि परिचित छ ।
मेलाको अवसर पारेर इटहरी उपमहानगरपालिकाले आज उपमहानगरभित्र स्थानीय बिदा दिएको छ ।
आजको सो मेलामा थारु समुदायका साथै अन्य समुदायका मानिसहरू समेत मन्दिरमा बैगुनको भार चढाउने गर्दछन् । मुसा तथा चर्मजन्य रोग नलागोस् भनेर बैगुनको भार चढाउने गरिन्छ ।
सिरुवा पर्व अन्तर्गत वैशाख महिनाभरी विभिन्न ठाउँमा रहेका ग्रामथानमा गएर पूजाआजा गरी रोग व्याध नलागोस् भनेर कामना गर्ने गरिन्छ । छालाका रोगहरू नलागोस् भनेर बैगुन (भान्टा )को भार पनि चढाउने गरिन्छ ।
