काठमाडौंः २०७४ सालमा विवेकशील साझा पार्टीबाट बागमती प्रदेशसभा सदस्य भएका विराजभक्त श्रेष्ठ २०७९ सालमा रास्वपाबाट प्रतिनिधिसभामा चुनिएका थिए । रास्वपा सरकारमा सहभागी भएका बेला उनी युवा तथा खेलकुद मन्त्री भएका थिए ।
उनै श्रेष्ठले यसपटक काठमाडौं क्षेत्र नम्बर ८ बाट निर्वाचित भएर ऊर्जा मन्त्रालयको जिम्मेवारी पाएका छन् । श्रेष्ठले वाणिज्य तथा व्यापार प्रशासनमा स्नातकसम्म अध्ययन गरेका छन् ।
श्रेष्ठ उज्ज्वल थापा नेतृत्वको विवेकशील राजनीतिबाट आएका हुन् । उनले काठमाडौं महानगरमा विवेकशील पार्टीको संगठन विस्तारको काम गरेका थिए उनी विभिन्न राजनीतिक तथा सांस्कृतिक अभियानमा संलग्न थिए ।
विराज जनता समाजवादी पार्टीका नेता शरतसिंह भण्डारीका ज्वाइँ हुन् । उनीसँग अस्पताल व्यवस्थापनको जिम्मेवारी सम्हालेको अनुभव छ उनी तिकिझ्या रेस्टुरेन्ट, मुनस्टे लज, लिटल विंग्ज लज, ग्रीन भेन्चर्ज प्रालि, बर्दिबास होप हस्पिटल लगायत संस्थामा आबद्ध छन् ।
