विराटचोकः जल तथा मौसम विज्ञान विभागले आज र भोलि पश्चिमी वायु सक्रिय भएर हल्कादेखि मध्यम वर्षा हुनुका साथै हावाहुरी चल्ने अनुमान गरेको छ ।
पश्चिमी वायुको प्रभावका कारण भारत र आसपासका क्षेत्रहरूमा पानी पार्ने बादलको बाक्लो तह देखिएको र त्यसले नेपालमा पनि असर गर्ने विभागले जनाएको हो । भारतका विभिन्न क्षेत्रमा सावधानीका लागि भारत सरकारले अनुरोध गरेको छ ।
विभागका अनुसार अहिलेको प्रणालीले पश्चिम तराईमा वर्षाको सम्भावना थोरै भए पनि अरु ठाउँमा हल्कादेखि मध्यम वर्षा हुने सम्भावना छ । वर्षाको प्रभाव पूर्वी नेपालमा बढी र पश्चिममा कम हुने सम्भावना रहेको बताइएको छ ।
यसअघि चैत ६ र ७ गते पनि देशभर वर्षा भएको थियो ।
