विराटचोकः यो साता सुनको मूल्यमा १९ हजार ७०० रुपैयाँ घटेको छ ।
फागुन २९ गते शुक्रबार नेपाली बजारमा सुनको मूल्य प्रति तोला ३ लाख १४ हजार २०० रहेको थियो । चैत ६ गते शुक्रबार सुनको मूल्य घटेर २ लाख ९४ हजार ५०० रुपैयाँमा झरेको छ ।
नेपाल सुनचाँदी व्यवसायी महासंघका अनुसार चैत १ गते आइतबार सुनको मूल्य तीन लाख ९ हजार ४०० रुपैयाँमा झरेको थियो ।
चैत २ गते सोमबार १०० रुपैयाँले बढेर तीन लाख ९ हजार ५०० रुपैयाँमा कारोबार भएको थियो ।
चैत ३ गते मंगलबार पनि सुनको मूल्य ४०० रुपैयाँ बढेर प्रतितोला ३ लाख ९ हजार ९०० रुपैयाँमा कारोबार भएको थियो ।
चैत ४ गते बुधबार सुनको मूल्य २ हजार २०० रुपैयाँले घटेर ३ लाख ७ हजार ७०० रुपैयाँमा कारोबार भएको थियो ।
चैत ५ गते बिहीबार ५ हजार ४०० रुपैयाँले सुनको मूल्य घटेर प्रतितोला ३ लाख २ हजार ३०० रुपैयाँमा किनबेच भएको थियो ।
चैत ६ गते शुक्रबार सुनको मूल्य ७ हजार ८०० रुपैयाँले घटेर प्रति तोला २ लाख ९४ हजार ५०० रुपैयाँमा किनबेच भएको थियो ।
