विराटचोकः प्रतिनिधिसभाको समानुपातिक निर्वाचनमा ११० सांसद निर्वाचित भएका छन्, तीमध्ये ३७ जिल्लाबाट भने कुनै पनि दलका उम्मेद्वार समानुपातिक सांसद भएनन् । काठमाडौं जिल्लाबाट भने सबैभन्दा धेरै १७ जना समानुपातिक सांसद भएका छन् ।
काठमाडौंपछि धेरै समानुपातिक सांसद हुनेमा झापा जिल्ला परेको छ । झापाबाट ६ जना समानुपातिक सांसद भएका छन् ।
धादिङ र मोरङबाट समान पाँच–पाँच जना, सुनसरी, सिराहा, धनुषा, दाङ र कञ्चनपुरबाट समान चार–चार जना उम्मेदवार विजयी भएका छन् ।
त्यस्तै, ताप्लेजुङ, महोत्तरी, काभ्रेपलाञ्चोक, ललितपुर, भक्तपुर, बाग्लुङ, रुपन्देही, कैलालीबाट समान तीन–तीन जना तथा संखुवासभा, रौतहट, सप्तरी, चितवन, गोरखा, नवलपरासी, बर्दिया, सुर्खेत, कालिकोट र डडेल्धुराबाट दुई–दुई जना निर्वाचित भएका छन् ।
पाँचथर, सोलुखुम्बु, सर्लाही, बारा, पर्सा, मकवानपुर, नुवाकोट, दोलखा, तनहुँ, पाल्पा, स्याङ्जा, बाँके र अछामबाट एक–एक जना समानुपातिकतर्फ विजयी भएका छन् ।
३७ जिल्लाबाट भएनन् समानुपातिक सांसद, मधेसका सबै जिल्लाबाट भयो प्रतिनिधित्व
