हुरीले रुख लडाएर किच्दा घरमा सुतिरहेकी किशोरीको मृत्यु

दमकः राति आएको हावाहुरीले लडाएको रुखले किचेर झापाको हल्दिबारी गाउँपालिका वडा नम्बर २ पाराखोपीकी १७ वर्षीया आरती राजवंशीको ज्यान गएको छ ।

जिल्ला प्रहरी कार्यालय झापाका अनुसार आफ्नै घरमा सुतिरहेका बेला घरमाथि आँपको रुख ढल्दा आरतीको च्यापिएर घटनास्थलमै मृत्यु भएको हो ।

घटनाबारे थप विवरण सङ्कलन भइरहेको प्रहरीले जनाएको छ ।

परिवारको अरु सदस्यको भने उद्दार गरिएको बताइएको छ ।