विराटचोकः हालै भएको प्रतिनिधिसभा सदस्य निर्वाचनमा निर्वाचित पूर्वमन्त्री महावीर पुनले आजदेखि आफ्नो आत्मकथा बिक्री गर्नुुहुने भएको छ ।
सामाजिक सञ्जालमा आज सवा ८ बजे स्टाटस लेख्दै पुनले आज पोखरामा किताब बेच्ने बताउनुभएको हो ।
यस्तो छ महावीर पुनले लेखेको स्टाटस ‘आज पोखरा पुगेर १० बजेदेखि अमरसिंह चोकमा मेरो आत्मकथाको किताब बेच्न सुरु गर्नेछु । त्यसपछि पृथ्वीचोकमा १ बजेदेखि र महेन्द्रपुलमा ४ बजे पछि बेचिनेछ । चुनाव पनि लड्ने र किताब पनि बेच्ने भनेर किताबहरू लगेको थिएँ, तर निर्वाचन आयोगले चुनावमा बेच्न दिएन । वीरगञ्जमा कारखाना मज्जाले चलिरहेकै छ, त्यसैले पैसा त चाहियो नि ।’
पुनले म्याग्दीबाट स्वतन्त्र उम्मेद्वारी दिएर चुनाव जित्नुभएको छ ।
