भक्तपुरः फागुन २१ गते भएको निर्वाचनमा भक्तपुर–२ मा राष्ट्रिय स्वतन्त्र पार्टी (रास्वपा) का उम्मेदवार राजीव खत्री विजयी भएका छन् । गत निर्वाचनमा नेपाली कांग्रेसका दुर्लभ थापा क्षेत्री २४ हजार २३९ मत ल्याएर विजयी भएका थिए ।
खत्रीले ४२ हजार ३३३ मत प्राप्त गर्दै प्रतिनिधि सभा सदस्यमा निर्वाचित भएका हुन् । उनका निकटतम प्रतिष्पर्धी नेकपा एमालेका महेश बस्नेतले १० हजार ७१७ मत प्राप्त गरेका छन् । बस्नेत अघिल्लो निर्वाचनमा २३ हजार २८२ मत ल्याउँदा पनि पराजित भएका थिए ।
नेपाली कांग्रेसका कविर राणाले ८ हजार ३०५ मत प्राप्त गरेका छन् । नेमकिपाका रमेश वैद्यले ३ हजार १५४ र नेपाली कम्युनिष्ट पार्टीका रामप्रसाद सापकोटाले १ हजार १८३ मत ल्याएका छन् ।
अन्य उम्मेद्वारले १ हजारभन्दा कम मत ल्याएका छन् ।
