विराटचोकः ९ वटा सहकारी संस्था मर्ज भएर बनेको कनकलक्ष्मी बचत तथा ऋण सहकारी संस्था कोशी प्रदेशकै उत्कृष्ट सहकारी संस्थाको रुपमा सम्मानित भएको छ ।
हालै काठमाडौंमा सम्पन्न नेपाल बचत तथा ऋण केन्द्रीय सहकारी संघको ३२ औँ साधारण सभाका प्रमुख अतिथि राष्ट्रिय सहकारी महासंघका पूर्व अध्यक्ष केशव बडालले कनकलक्ष्मीलाई सम्मानपत्र प्रदान गरेका हुन् ।
सो सम्मान पाउनुमा संस्थामा योगदान गर्ने सम्पूर्ण शेयर सदस्य, सञ्चालक समिति, लेखा सुपरीवेक्षण समिति, विभिन्न उपसमिति र कर्मचारीको हात रहेको संस्थाले जनाएको छ ।
