काठमाडौंः अन्ततः नेपाली कांग्रेस फुटेको छ । संस्थापन पक्षले महाधिवेशन पक्षधरको नेतृत्व परिवर्तन र रुपान्तरणको माग सम्बोधन गर्न तयार नभएपछि नेपाली कांग्रेस विभाजित भएको हो ।
आज बसेको कांग्रेस केन्द्रीय कार्यसमितिको बैठकले महाधिवेशन पक्षधर महामन्त्री गगन थापा र विश्वप्रकाश शर्मा तथा सहमहामन्त्री फर्मुल्लाह मन्सुरलाई पाँच वर्षको लागि कारबाही गरेको छ । यता विशेष महाधिवेशनले सभापति पदमा गगन थापालाई चयन गर्ने प्रक्रिया अघि बढाएको छ ।
देउवाको नेतृत्वमा चुनावमा जान नसकिने भन्दै विशेष महाधिवेशन पक्षधर नेताहरूले पटक पटक माग गरे पनि देउवा पद छोड्न तयार नभएपछि पार्टी फुटेको हो ।
कांग्रेस केन्द्रीय समितिले थापा लगायतका नेताहरूलाई अनुशासन उल्लंघन गरेको अभियोगमा कारबाही गरेपछि गगन थापाले कांग्रेस कसैको प्राइभेट कम्पनी नभएको बताएका छन् । कांग्रेसका ५४ प्रतिशत महाधिवेशन प्रतिनिधिहरूंले विशेष महाधिवेशनको माग गरेका थिए ।
