विराटचोकः यो हप्ता निरन्तर सुनचाँदीको भाउ बढिरहेको छ । सुनको भाउले आज लगातार तेस्रो दिन र चाँदीको भाउले लगातार चौथो दिन उच्च मूल्यको कीर्तिमानी बनाएका छन् ।
आज सुनको भाउ तोलामा १ हजार ५०० रुपैयाँ र चाँदीको भाउ तोलामा ३१५ रुपैयाँ बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला २ लाख ७८ हजार रुपैयाँ निर्धारण भएको छ । चाँदीको भाउ प्रति तोला ५ हजार ६५५ रुपैयाँ निर्धारण भएको छ ।
हिजो सुनको भाउ तोलामा १ हजार ८०० रुपैयाँ र चाँदीको भाउ तोलामा १४५ रुपैयाँ बढेको थियो ।
