सिन्धुलीः नेपाल एसबीआई बैंक घ्याङलेख–२ बस्तीपुर, हायुटार शाखामा मंगलबार राति भएको लुटपाटमा संलग्नमध्ये ४ जना पक्राउ परेको प्रहरीले जनाएको छ ।
प्रहरीका अनुसार घ्याङलेख–१ सुकाचुरीबाट स्थानीयको सहयोगमा ४ जना पक्राउ परेका हुन् । उनीहरुको पहिचान खुलाइएको छैन । मंगलबार राति नेपाल एसबीआई बैंकको घ्याङलेख–२ बस्तीपुर, हायुटार शाखामा पाँच÷ छ जनाको समूहले लुटपाट गरेको थियो ।
सो बैंकबाट ३ करोड १० लाख ९५ हजार २८३ रुपैयाँ लुटिएको बैंकले जनाएको छ लुटिएको रकममध्ये १ करोड ८० लाख १० हजार ५०० रुपैयाँ स्थानीयको सहयोगमा प्रहरीले विभिन्न स्थानबाट बरामद गरेको जनाएको छ ।
