काठमाडौंः ८८ वर्षीय श्यामकुमार खड्काले नेपाली कांग्रेसको दोस्रो विशेष महाधिवेशनको बन्दसत्रको अध्यक्षता गर्ने भएका छन् ।
भृकुटीमण्डपमा हुने बन्दसत्रको अध्यक्षताको जिम्मेवारी ८८ वर्षीय प्रतिनिधि खड्कालाई दिने निर्णय भएको प्रचारप्रसार समिति संयोजक सुभास पोखरेलले जानकारी दिएका छन् ।
बन्दसत्रको सञ्चालन कास्की सभापति किशोरदत्त बरालले गर्ने र बन्दसत्रमा नीतिगत एवं संगठनात्मक प्रतिवेदन पेस हुने बताइएको छ ।
प्रतिनिधिहरुको माग बमोजिम महामन्त्री गगन थापाको नेतृत्वमा विशेष महाधिवेशन बोलाइएको हो ।
