विराटचोकः काठमाडौंमा भएको नेपाल कृषि सहकारी संघको पाँचौँ अधिवेशनबाट सुन्दरहरैंचाका सहकारीकर्मी हरिबहादुर बस्नेत सञ्चालक समिति सदस्य पदमा विजयी हुनुभएको छ । उहाँ सुन्दरहरैंचा–११ को साना किसान कृषि सहकारी संस्था लि. मृगौलियाको सञ्चालक समिति अध्यक्ष हुनुहुन्छ ।
सो पदमा उहाँ ३३५ मत प्राप्त गरी विजयी हुनुभएको हो । सो पदमा चिरञ्जीवी के.सी. ३७७, सुखदेव न्यौपाने ३६२ र हरिबहादुर अधिकारी ३२५ मत प्राप्त गरी विजयी हुुनुभएको छ । सो पदका अन्य प्रतिष्पर्धी सुमन नेपालले २२१ र नारायणप्रसाद खनालले २४१ मत प्राप्त गर्नुभएको थियो ।
संघको ४ वर्षे कार्याकालका लागि निर्वाचित १५ जना सञ्चालक समिति तथा लेखा सुपरिवेक्षण समितिलाई प्रमुख निर्वाचन अधिकृत वरिष्ठ अधिवक्ता पोषणराज लामिछानेले पद तथा गोपनियताको शपथग्रहण गराउनुभएको थियो ।
केन्द्रीय संघको सञ्जालमा अहिले १ हजार १ सय ५१ सदस्य संस्था रहेका छन् । संघले ७७ जिल्लामा आफ्नो कार्य क्षेत्र विस्तार गरी ९ लाख घरपरिवारका सदस्य किसानहरुलाइ सेवा प्रवाह गर्दै आएको छ ।
संघको अध्यक्षमा एकराज उप्रेती चयन हुनुभएको छ ।
