बेलबारीः संघीय राजधानी निवासी गजलकार अभागी मानन्धरको एकल गजल वाचन कार्यक्रम मोरङको बेलबारीमा सम्पन्न भएको छ ।
कोसी साहित्य–कला परिषद् नेपालको आयोजना र शिक्षा सन्देश इङ्लिस स्कुलको सहयोजनामा भएको कार्यक्रममा गजलकार अभागीले आधा दर्जन नेपाली तथा हिन्दी गजल वाचन गरेका थिए । साहित्यमा नयाँ पुस्ता आउन नसकेको गुनासो थियो । गजलकार अभागीलाई आयोजकले सम्मान गरेको थियो ।
कार्यक्रमका प्रमुख अतिथि वरिष्ठ साहित्यकार हर्कमान तामाङले यस्ता कार्यक्रमले अग्रजको सम्मान हुने बताउनुभयो ।
सुन्दरहरैँचा कला साहित्य विकास समितिका संस्थापक अध्यक्ष छवि वैरागी घिमिरेले स्रष्टाले सिर्जनाकर्म छोड्न नहुने बताउनुभयो । शिक्षा सन्देश इङ्ग्लिस स्कुलका सहायक प्रधानाध्यापक विशाल राईले एक जना अग्रज स्रष्टालाई सम्मान गर्ने कार्यक्रममा सहकार्य गर्न पाएकोमा खुशी व्यक्त गर्नुभयो ।
कार्यक्रममा बेलबारी र सुन्दरहरैँचामा रहेका विभिन्न साहित्यिक सङ्घसंस्थाका प्रमुख तथा प्रतिनिधिहरूको उपस्थिति रहेको थियो । उक्त कार्यक्रममा साहित्यका अतिरिक्त शैक्षिक, सामाजिक व्यक्ति, शिक्षक तथा विद्यार्थीहरूको समेत बाक्लो उपस्थिति रहेको थियो ।
कार्यक्रममा परिषद्का सल्लाहकार छवि वैरागी घिमिरे, रमेश निरौला, तिला लेकाली, चिरञ्जीवी काफ्ले र एकराज भट्टराईका एक एकओटा गजल वाचन गरिएका थिए ।
परिषद्का अध्यक्ष केशु विरहीको अध्यक्षतामा सम्पन्न कार्यक्रमको सञ्चालन सचिव नवराज पोखरेल ‘नवशिला’ ले गर्नुभएको थियो ।
कार्यक्रममा विदुर सुवेदी, शेखर थापा मगर, सञ्जीव धिमाल, शारदा दाहाल भण्डारी, आइतराज लिम्बू, सुन्दर भट्ट, दीपक नेपाल, हीरा खड््का, जुनु बुढाथोकी, राजु परियारलगायका स्रष्टा÷कलाकारहरूको उपस्थिति रहेको थियो ।
