विराटचोकः आज अङ्ग्रेजी नयाँ वर्षको दिन पनि सुन र चाँदी दुवैको भाउ घटेको छ । आज सुनको भाउ तोलामा १ हजार ४०० रुपैयाँ र चाँदीको भाउ तोलमा ५५ रुपैयाँ घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला २ लाख ५९ हजार ६०० रुपैयाँ निर्धारण भएको छ । चाँदीको भाउ प्रतितोला ४ हजार ४१५ रुपैयाँ निर्धारण भएको छ ।
हिजो सुनको भाउ तोलामा १ हजार १०० रुपैयाँ र चाँदीको भाउ तोलामा १२० रुपैयाँ घटेको थियो ।
सुनको भाउ लगातार चौथो दिन र चाँदीको भाउ लगातार तेस्रो दिन घटेको हो ।
