विराटचोकः राष्ट्रिय निजी तथा आवासीय विद्यालय अर्गनाइजेशन नेपाल (एन प्याब्सन) कोशी प्रदेशको आयोजनामा भएको प्रदेशस्तरीय नेपाली हस्तलेखन प्रतियोगितामा मोरङको बेलबारीमा रहेको मोरङ ज्ञानोदय सेकेण्डरी स्कुल पहिलो भएको छ ।
सो विद्यालयकी कक्षा १० मा अध्ययनरत विद्यार्थी आयुष्मा राई पहिलो भएकी हुन् ।
एन प्याब्सन कोशी प्रदेशले सुन्दरहरैंचा–१२ स्थित श्री इन्द्रपुर इङ्लिस बोर्डिङ स्कुलमा सम्पन्न गरेको प्रतियोगितामा प्रदेशका २२ विद्यालय सहभागी थिए ।
प्रतियोगितामा हिमालय इङ्लिस स्कुल सुन्दरहरैंचा दोस्रो भएको छ । लालीगुराँस इङ्लिस स्कुल बुढीगंगा तेस्रो तथा आभा इङ्लिस स्कुलका प्रतियोगीले सान्त्वना पुरस्कार हात पारेका छन् । प्रतियोगिताका विजयी प्रतियोगीलाई शिल्ड तथा प्रमाणपत्र प्रदान गरिएको थियो ।
कार्यक्रममा एन प्याब्सनका पालिका, जिल्ला, प्रदेश तथा केन्द्रीय पदाधिकारीको उल्लेख्य उपस्थिति थियो ।
एन प्याब्सनले गरेको प्रदेशस्तरीय वक्तृत्व प्रतियोगितामा श्री इन्द्रपुर इङ्लिस बोर्डिङ पहिलो
