विराटचोकः राष्ट्रिय निजी तथा आवासीय विद्यालय अर्गनाइजेशन नेपाल (एन प्याब्सन) कोशी प्रदेशको आयोजनामा भएको प्रदेशस्तरीय वक्तृत्वकला प्रतियोगितामा श्री इन्द्रपुर इङ्लिस बोर्डिङ स्कुल सुन्दरहरैंचा पहिलो भएको छ ।
१९ विद्यालय सहभागी भएको प्रतियोगितामा बेलबारीको मोरङ ज्ञानोदय सेकेण्डरी इङ्लिस स्कुल दोस्रो भएको छ । सुन्दरहरैंचा–१० को हिमालय इङ्लिस स्कुल तेस्रो तथा विराटनगर–४ को अरिहन्त इङ्लिस स्कुलले सान्त्वना स्थान हात पारेका छन् ।
जेनजी आन्दोलनले पारेको प्रभाव विषयमा अङ्ग्रेजी भाषामा भएको वक्तृत्व प्रतियोगिताका विजयी प्रतियोगीलाई शिल्ड तथा प्रमाणपत्र प्रदान गरिएको थियो ।
कार्यक्रममा एन प्याब्सनका पालिका, जिल्ला, प्रदेश तथा केन्द्रीय पदाधिकारीको उल्लेख्य उपस्थिति थियो ।
श्री इन्द्रपुर इङलिस बोर्डिङ स्कुलको प्राङ्गणमा भएको प्रतियोगिताको संयोजक चन्द्र धिमाल हुनुहुन्थ्यो । वक्तृत्वकलाको निर्णायकमा टेकेन्द्र बास्तोला रहनुभएको थियो ।
