विराटचोकः राष्ट्रिय स्वतन्त्र पार्टी (रास्वपा) को प्रथम सुन्दरहरैंचा नगर अधिवेशनले पुनः टेकमणि न्यौपाने (विवेक) लाई नगर सभापतिमा चयन गरेको छ ।
शनिबार विराटचोकस्थित पानस पार्टी प्यालेसमा भएको अधिवेशनले उपसभापतिमा देवीचरण बन्जारा (उज्ज्वल), सचिवमा प्रकाशकुमार घिमिरे र सह–सचिवमा रमेश आचार्यलाई चयन गरेको छ ।
नवनिर्वाचित नगर समितिका सदस्यहरूमा मन्दिरा उप्रेती, रीता चौहान, देवकुमारी बास्तोला, युवराज लामिछाने, भीमबहादुर जोगी, पीतराज घिमिरे, मित्रजंग थापा र प्रेमबहादुर भट्टराई चयन हुनुभएको छ । नगर समितिमा थप तीन जना सदस्य मनोनित गरिने जानकारी दिइएको छ ।
अधिवेशनमा पार्टीका केन्द्रीय सदस्य तथा पूर्व सांसद हरि ढकाल प्रमुख अतिथि हुनुुहुन्थ्यो । अधिवेशनमा कोशी प्रदेश अध्यक्ष शरिन तामाङ, अशोक चौधरी, निश्चल मेहतालगायत प्रदेश, जिल्ला तथा विभिन्न पालिकाबाट आएका नेताकार्यकर्ताको उपस्थिति रहेको थियो ।
