आज पनि तोलामा ४०० रुपैयाँ बढेर सुनको भाउले बनायो नयाँ रेकर्ड, घट्यो चाँदीको भाउ

विराटचोकः हिजो एकै दिन तोलामा ८ हजार १०० रुपैयाँ बढेर उच्च मूल्य बनाएको सुनको दाम आज पनि तोलामा ४०० रुपैयाँ बढेर नयाँ रेकर्ड बनिएको छ ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रतितोला २ लाख ४८ हजार ९०० रुपैयाँ रहेको छ । यो मूल्य हालसम्मको उच्च हो ।

आज चाँदीको मूल्य भने तोलामा ८५ रुपैयाँले घटेर प्रतितोला तीन हजार २४० रुपैयाँमा किनबेच भइरहेको छ ।