विराटचोकः आज सुनको मूल्यले उच्च मूल्यको नयाँ रेकर्ड बनाएको छ । आज सुनको भाउ तोलामा १ हजार २०० रुपैयाँ बढेर २ लाखभन्दा माथि पुगेको छ ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला २ लाख ६०० रुपैयाँ निर्धारण भएको छ । चाँदीको भाउ प्रति तोला २ हजार ३६० रुपैयाँ निर्धारण भएको छ । सुनको भाउले यसअघि साउन २३ गते कायम भएको उच्च मूल्यको रेकर्ड तोडेको हो । सो दिन सुनको भाउ प्रति तोला १ लाख ९९ हजार ४०० रुपैयाँ निर्धारण भएको थियो । हिजो पनि सुनको भाउ सोही मूल्यमा पुगेको थियो ।
हिजो सुनको भाउ तोलामा ४०० रुपैयाँ र चाँदीको भाउ तोलामा १० रुपैयाँ बढेको थियो ।
