विराटचोकः श्रीकृष्ण प्रणामी सेवा समिति नेपाल तथा श्रीकृष्ण प्रणामी संरक्षण सेवा समितिको संयुक्त आयोजनामा श्रीकृष्ण प्रणामी मन्दिर सलकपुर, सेवा आश्रम सुन्दरहरैंचा–९, विराटचोकमा एकल भजन गायन प्रतियोगिता हुने भएको छ ।
प्रतियोगिता आयोजकका अनुसार सो प्रतियोगिता भक्तिमय वातावरणमा कृष्णप्रेमीहरूबीच भक्ति सङ्गीतको माध्यमबाट आध्यात्मिक भावनाको प्रवाह गर्ने उद्देश्यले गर्र्न लागिएको हो । दुई चरणमा सम्पन्न हुने प्रतियोगिताको छनोट चरण २४ गते शनिबार बिहान ११ बजे विराटचोकस्थित श्रीकृष्ण प्रणामी मन्दिरमा हुने भएको छ ।
साउन ३१ गते फाइनल चरण बिहान ११ बजे सलकपुर मन्दिरमा आयोजना हुने भएको छ ।
प्रतियोगितामा उत्कृष्ट हुने ४ जना भजन गायकरूको प्रस्तुति जन्माष्टमी साँझमा प्रस्तुत गरी पुरस्कार वितरण गरिने आयोजकले जनाएको छ ।
