विराटचोकः बिहीबार एक कार्यक्रम गरी सुन्दरहरैँचा नगरपालिकाले स्थानीय विपद् तथा जलवायु उत्थानशील योजना निर्माण गरी सार्वजनिक गरेको छ ।
सो योजनाअन्तर्गत विपद् जोखिम न्यूनीकरण, रणनीति तथा कार्ययोजना तयार पारिएको छ । नगर क्षेत्र बाढी, जङ्गली जनावर र सडक दुर्घटनाको उच्च जोखिममा रहेकोले यी समस्याहरूको दीर्घकालीन समाधानका लागि सो योजना निर्माण गरिएको हो ।
योजनाको कार्यान्वयनपछि बाढीबाट हुने क्षति, जङ्गली जनावरको आतङ्क र सडक दुर्घटनाजस्ता जोखिममा उल्लेखनीय कमी आउने अपेक्षा गरिएको छ ।
