विराटचोकः श्वेतगंगा हाइड्रोपावर एन्ड कन्स्ट्रक्सन लिमिटेडको संस्थापक शेयर, स्थानीय बासिन्दा र कर्मचारीलाई बाँडफाँड भएको शेयरको ‘लक इन’ अवधि साउन १७ गते सकिने भएको छ ।
लक इन अवधि सकिएपछि संस्थापक शेयरधनी, स्थानीय बासिन्दा र कर्मचारीसँग भएको शेयर बिक्री गर्न मिल्छ । कम्पनीले सर्वसाधारणलाई शेयर बाँडफाँड गरेको मितिबाट ३ वर्षसम्म संस्थापक शेयरधनी, स्थानीय बासिन्दा र कर्मचारीको शेयर लक इनमा राख्नुपर्ने व्यवस्था रहेको छ ।
सो कम्पनीको ७३ लाख कित्ता संस्थापक शेयर, १५ लाख ९३ हजार कित्ता स्थानीयको शेयर र ७ लाख ९६ हजार ५०० कित्ता कर्मचारीको शेयर लक इन रहेको छ । सोही शेयरको लक इन खुला हुने भएको हो ।
