विराटचोकः चालु आर्थिक वर्षको भन्दा ११ करोड ३३ लाख ४० हजार ८२० रुपैयाँ कमको बजेट सुन्दरहरैँचा नगरपालिकाले आगामी आर्थिक वर्षका लागि ल्याएको छ ।
हिजो नगर उपप्रमुख अकली चौधरीले आगामी आर्थिक वर्षका लागि १ अर्व ७१ करोड २७ लाख ५९ हजार १ सय ८० रूपैयाँको बजेट प्रस्तुत गर्नुभएको हो । गत वर्ष नगरले १ अर्ब ८२ करोड ६१ लाख रुपैयाँको बजेट प्रस्तुत गरेको थियो ।
मङ्गलबार प्रस्तुत बजेटमा पूर्वाधार विकास तर्फ रु ६१ करोड ३७ लाख , आर्थिक विकास तर्फ रु २ करोड ८६ लाख , सामाजिक विकास तर्फ रु ४६ करोड १२ लाख २ हजार रकम विनियोजन गरिएको छ । वन तथा वातावरण विपद व्यवस्थापन तर्फ रु १ करोड ७५ लाख, सुशासन तथा संस्थागत विकास तर्फ रू २ करोड ६३ लाख विनियोजन गरिएको छ ।
आगामी आर्थिक वर्षको बजेटमध्ये चालु खर्चतर्फ ८२ करोड ६२ लाख ९० हजार विनियोजन गरिएको छ । पूँजीगत खर्चतर्फ ८७ करोड ९९ लाख ६९ हजार १८० रुपैयाँ विनियोजन गरिएको छ । वित्तीय व्यवस्थापनमा ६५ लाख रुपैयाँ विनियोजन गरिएको छ ।
सम्बन्धित समाचारः
सुन्दरहरैंचा नगरपालिकाले ल्यायो १ अर्ब ८२ करोड ६१ लाख रुपैयाँको बजेट, झण्डै २६ करोड घाटा बजेट
