काठमाडौंः नेपाल राष्ट्र बैंकले निवर्तमान गभर्नर महाप्रसाद अधिकारीको हस्ताक्षरसहितको १० रुपैयाँ दरको नयाँ नोट सोमबारदेखि चलनचल्तीमा ल्याएको छ ।
राष्ट्र बैंकले १० रुपैयाँ दरको साविककै आकार तथा रङमा संकेत नं. द ३२ ०००००१ देखि प ९४ ९९९९९९ सम्म नयाँ नोट चलनचल्तीमा ल्याइएको जानकारी गराएको छ ।
राष्ट्र बैंकले यसअघि २०७७ साल मंसिर १० गतेदेखि रुपैयाँ १० दर (सिरिज २०२०) को बैंक नोट संकेत नं ढ ८२ ०००००१ देखि द ४५ ९९९९९९ सम्म चलनचल्तीमा ल्याइने भनी सूचना प्रकाशित गरिएकोमा संकेत नं. ढ ८२ ०००००१ देखि द ३१ ८००००० सम्म मात्र चलनचल्तीमा ल्याइएको पनि जानकारी गराएको छ ।
