विराटनगरः नेकपा एमाले मोरङको नयाँ नेतृत्व चयनका लागि बुधबार भएको मतदानको मतगणना जारी छ । आज बिहान साढे ३ बजेसम्म ४३९ मतगणना हुँदा अध्यक्षसहित पाँच जना पदाधिकारीमध्ये संस्थापनइतर समूहका ४ जना अगाडि देखिएका छन् । निर्वाचनमा ८८८ जनाले मतदान गरेका थिए ।
सो समूहको प्यानलबाट उम्मेद्वार रहेका अजम्बर राईले २२५ मत ल्याउँदा संस्थापन समूहका राजकुमार ओझाले २०२ मत पाउनुभएको छ ।
उपाध्यक्ष पदमा राई प्यानलका सागर थापाले २२८ र ओझा प्यानलकी शान्तिकुमारी लिम्बूले १८२ मत पाउनुभएको छ ।
सचिव पदमा राई प्यानलका सोमराज थापाले २३० मत र ओझा प्यानलका रविन थापाले १८० मत ल्याउनुभएको छ ।
उपसचिव पदमा राई प्यानलका सन्तोष बान्तवाले २३९ मत ल्याउँदा ओझा प्यानलका इर्जालाल राजवंशीले १६३ मत ल्याउनुभएको छ ।
महिला सहसचिवमा ओझा प्यानलकी शिल्पा निराला कार्कीले २०७ मत ल्याउँदा राई प्यानलकी उषा झाले २०४ मत ल्याउनुभएको छ ।
