विराटनगरः नेकपा एमालेको मोरङको १० औँ अधिवेशन सम्पन्न भएको छ । अधिवेशनपछि पार्टीको जिल्ला नेतृत्व चयनका लागि हिजो राति मतदान सम्पन्न भए पनि मतगणना हुन भने बाँकी छ ।
पार्टी कार्यालयका अनुसार मतगणना हुनुपूर्वको बैठक बस्न नसकेकाले मतगणना हुन नसकेको हो । केही समयमै बैठक बसेर सहमति जुटाएर दिउँसो १२ बजेपछि मतगणना शुरु हुने बताइएको छ ।
निर्वाचनमा संस्थापन समूहबाट राजकुमार ओझा र संस्थापन इतर समूहबाट अजम्बर राईबीच नेतृत्वका लागि मतदान भएको छ । दुवै समूह प्यानल बनाएर चुनावी मैदानमा उत्रिएका थिए ।
अधिवेशनमा ३ सय २५ जनाले मनोनयन दर्ता गराएकोमा ७१ जना निर्विरोध निर्वाचित भएका थिए । ६३ जनाले उम्मेद्वारी फिर्ता लिएका थिए । शनिबार शुरु भएको सो अधिवेशनले पाँच पदाधिकारीसहित १६५ सदस्यीय कार्यसमिति चयन गर्नेछ ।
एमाले मोरङको नेतृत्वका लागि ओझा र राईको उम्मेद्वारी, दुवै जना सुन्दरहरैंचाका
एमाले मोरङको नयाँ नेतृत्वका लागि ८८८ प्रतिनिधिले गरे मतदान, आज मतगणना
